Google gjatë vitit të ardhshëm sjell videolojërat Android në Windows

Kompania Google synon të ofrojë lojërat Android nëpër kompjuterë që kanë sistemin operativ Windows.

Aplikacioni Google Play Games do të jetë i qasshëm për përdoruesit e Windows nga vera e vitit 2022, e do të realizohen nga Google me qëllim që të mund të shijojnë lojërat nga Google Play nëpër laptopë, tabletë dhe kompjuterët me sistemin operativ Windows.

“Përdoruesit nga viti i ardhshëm do të mund të kënaqen me lojërat e preferuara nga Google Play në pajisje të ndryshme siç janë telefonat e mençur, tabletët dhe Chromebook, sikurse edhe në kompjuterët me sistemin operativ Windows. Prodhimi i Google sjell lojërat më të mira nga Google Play Games në shumë laptopë e desktopë. Jemi shumë të gëzuar që do të zgjerojmë platformën tonë në mënyrë që lojtarët të kënaqen me lojërat e tyre të preferuara Android”, thuhet në kumtesën e Google.

Zëdhënësi i Google, Alex Garcia-Kummert, ka thënë për The Verge, se kompania ka zhvilluar aplikacionin, që do të thotë se nuk ka bashkuar forcat me Microsoft, BlueStakcsom apo partnerët e tjerë.

Aplikacioni i shumëpërfolur do t’i mundësojë lojtarëve që lehtë të gjejnë lojërat e tyre nëpër PC të cilat më herët i kanë luajtur nëpër telefonat, tabletë dhe Chromebook.

Megjithatë, Google nuk ka dhënë datën e saktë të lansimit të aplikacionit, por sigurisht që do të shfaqet vitin e ardhshëm. Akoma nuk dihet se cilën teknologji Google e përdor për “aktivizimin” e aplikacionit Android në Windows, por se lojërat do të mund të luhen nga një stream në cloud.