Austri: Largohet nga qeveria edhe ministri i Financave, Gernot Blümel

Tërheqja e Sebastian Kurz nga të gjitha funksionet politike, ka shkaktuar “tërmet” politik si në partinë ÖVP ashtu edhe në qeverinë aktuale të Austrisë.

Partia më e madhe austriake ÖVP është afër shpartallimit. Pas kryetarit të ÖVP-së, Sebastian Kurz dhe kancelarit federa,l Alexander Schallenberg, edhe ministri i Financave dhe shefi i ÖVP-së në Vjenë, Gernot Blümel, njoftoi për dorëheqjen e tij. Sipas gazetës “Kurier” (Botimi online), dorëheqja ka ardhur me vullnetin e tij të lirë. “Ishte nder për mua”, citon Kurier kryetarin e ÖVP-së për Vjenën, Gernot Blümel, përcjell albinfo.at.

A do të qëndrojë ende kjo qeveri në Austri, apo do të shpartallohet koalicioni për shkak të kaosit në ÖVP, kjo është pyetja që e shtrojnë thuajse të gjitha mediat austriake.

Gazetarja e njohur austriake, Franciska Tschinderle, permes një postimi ne faqen e saj në “Facebook”, ka ironizuar me ndërrimin e shpeshtë të kancelarëve gjatë vitëve të fundit në Austri. “Së shpejti të gjithë do të njohin dikë që ka qenë kancelar në Austri”, transmeton albinfo.at.

---