Katër shqiptarë ia kanë mësyrë Parlamentit të Suedisë

Aida Birinxhikaj, Adnan Dibrani, Arbër Gashi, dhe Aurora Pirraku Eriksson janë katër shqiptarët e rinjë, të suksesshëm në politikën suedeze

Adnan Dibrani, Arber Gashi, Aida Birinxhiku dhe Aurora Pirraku Eriksson, janë katër kandidatët me prejardhje nga Kosova që synojnë të bëhen deputetë në Parlamentin e Suedisë për vitin 2022, shkruan albinfo.ch.

Shqiptarja Aurora Pirraku Eriksson, kandidate në Parlamentin suedez për zgjedhjet e vitit 2022.

“Faleminderit për besimin, sot rajoni i Västmanland ka vendosur të jem kandidate në Parlament për zgjedhjet e vitit 2022”, thotë shqiptarja Aurora Pirraku Eriksson në rrjetin social Facebook.

Nga ana tjetër, profili tjetër i suksesshëm, Dibrani këtë post e kishte për tre mandate rresht dhe thotë se u mundua veçanërisht përmes Këshillit të Evropës të kontribuojë për Kosovën.

Ky deklaron se prioritet do ta ketë ekonominë e arsimin, teksa Arbër Gashi, përveç ambientit, nëse fiton do të angazhohet për pensione e paga më të larta.

Zgjedhjet në Suedi do të mbahen në shtator të vitit të ardhshëm. /Albinfo.ch

 

---