Lajme
Shqiptarja, studentja më e mirë e mjekësisë në Universitetin e Bristolit në Angli
Shumë vajza dhe gra shqiptare po tregohen të suksesshme në fusha të ndryshme në diasporë, transmeton albinfo.ch.
Ajo quhet Donika Klenja, mbaroi studimet për “Mjekësi molekulare dhe qelizore” në Universitetin e Bristolit, duke u graduar me diplomën “First Class” si dhe me çmimin “Lucy Brown Cancer Prize”. Si studentja më e mirë e fakultetit, Donika vazhdon studimet postdiplomike në fushën e luftës kundër kancerit.
Donika, po ashtu, arriti të fitojë pozitë për master në “Universitetin e Oxfordit”, pasi u intervistua nga akademikë botërorë, duke përfshirë edhe Prof Sir Andreë John Pollard, shefi i kërkimeve shkencore në vaksinën kundër Covid-19.
Pak muaj më vonë, ajo u zgjodh si një ndër 7 studentët nga mbi 150 aplikantë nga e gjithë bota për të ndjekur direkt studimet e doktoraturës ne mjekësinë precize të kancerit në “University of Dundee”, me bursë të plotë pranë spitalit te Ninewells. Ky institut është i vlerësuar si një ndër liderët në botë për menaxhimin dhe kërkimet shkencore të kancerit, si dhe universiteti më i mirë në Britani për mjekësi (2021), duke zgjedhur kështu këtë të fundit si studente për vazhdimin e karrierës së saj.
Çdo ëndërr bëhet realitet nëse ke kurajon dhe pasionin për ta ndjekur dhe Donika me modestinë e saj është shembulli i përkryer për këtë!
Ajo, si një vajzë e re poliglote dëshmoi rezultate në shtete të ndryshme si Holandë, Kenia, SHBA me gara ndërkombëtare, duke prezantuar ide inovative për ardhmërinë e shkencës edhe duke u shpërblyer me medalje të arta. Vjen nga një familje intelektuale dibrane. Tezja e saj, Gerta Cami, është doktor i shkencave në degën e kimisë farmaceutike dhe ligjëron pranë “University of Berdfordshire”. Janë virtytet familjare të prindërve Bekim dhe Bleta që kanë bërë përpjekje në mbështetjen e saj, nga ana morale dhe financiare që gjenialiteti i saj të kulminojë dhe Donika të mos heqë dorë nga ëndrrat e saj.
Të ngjashme
Të tjera nga Lajme
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Austri
-
A mund të blejnë të huajt prona në Austri? Gjithnjë e më shumë njerëz po lëvizin në Austri nga jashtë, ndërsa të tjerë mund të...
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?