Lajme

Danimarka pritet të rikthejë certifikatën COVID

E martë, 9 Nëntor 2021 - 13:30 albinfo.ch
(KEYSTONE/Valentin Flauraud)

Danimarka pritet të vendosë sërish në fuqi certifikatat e vaksinimit kundër COVID-19, dy muaj pasi e kishte ndaluar përdorimin e tyre.

Të hënën, për të pestën ditë me radhë, Danimarka raportoi më shumë se 2.000 raste të reja ditore me COVID.

Kryeministrja Mette Frederiksen tha se rivënia në fuqi e kësaj certifikate “do të vështirësojë kryesisht të pavaksinuarit”.

“Kështu duhet të jetë”, u shpreh ajo.

Rivënia në fuqi e kësaj certifikate bën që vetëm personat e vaksinuar të mund të futen në ambientet e brendshme të lokaleve, restoranteve, apo institucioneve të ndryshme.

85.9% e qytetarëve mbi 12 vjeç janë vaksinuar me dy doza në Danimarkë.

 

 Të ngjashme

COVID 19 lë pasoja afatgjate, probleme me zemër e mushkëri

 Të tjera nga Lajme

Kompanitë që do të shkurtojnë vendet e punës në Zvicër këtë vjeshtë

 E-Diaspora

 Jeta në Austri