Lajme
Ali Ahmeti, diasporës shqiptare: Të bëhemi bashkë për Kërçovën
Sipas Ahmetit shqiptarët duhet të bashkohen për Kërçovën duke lënë anash ndasitë
Kreu i BDI-së në Maqedoninë Veriore, Ali Ahmeti, u ka bërë thirrje shqiptarëve, e në veçanti diasporës, që në garën e balotazhit më 31 tetor shqiptarët të kontribuojnë në rikthimin e Kërçovës.
“Një nga sfidat më të mëdha që kemi pasur gjatë këtyre viteve është kthimi i Kërçovës në duart tona dhe sot nuk duhet të lejojmë që të na kthehet historia prapa”, ka shkruar ndër të tjera Ahmeti.
Postimi i plotë:
Bashkë jemi sfiduar në shumë raste dhe nuk jemi dorëzuar kurrë.
Kemi qëndruar të fortë sepse kemi qenë bashkë, si një popull i tërë i përkushtuar për vendlindjen tonë.
Një nga sfidat më të mëdha që kemi patur gjatë këtyre viteve është kthimi i Kërçovës në duart tona dhe sot nuk duhet të lejojmë që të na kthehet historia prapa.
Të dashur qytetarë të Kërçovës, shumë e dashura mërgatë e jona në diasporë, unë po ju thras, si biri juaj, si vëlla i juaji, si një prej jush, i shqetësuar për fatin e vendlindjes sonë po bëj apel që të tregojmë dhe demonstrojmë që jemi të bashkuar më 31 tetor për vendin tonë, për tokën tonë, për amanetin e të parëve tanë.
Shumë të dashur qytetarë që jetoni në mërgim, ju shumë të respektuar motra e vëllezër,
Përmes këtyre rreshtave ju bëj thirrje që të bëhemi bashkë edhe një herë për Kërçovën tonë.
Kërçovën tonë nuk duhet të lejojmë që të cënojë askush.
Andaj, të lëmë anësh të gjitha ndasitë dhe të përqëndrohemi tek ajo që na bashkon, tek Kërçova jonë dhe më 31 tetor të gjithë rrugët të na sjellin në vendlindje.
Bashkë e filluam këtë rrugëtim dhe bashkë duhet ta vazhdojmë, ju mirëpres që ta ribëjmë historinë më 31 tetor duke rrethuar numrin 3.
Bashkë vazhdojmë.
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik