Kosovë: Vaksinohen me dy dozat antiCOVID mbi 50 për qind e qytetarëve mbi 16 vjeç

FOTO: APA/GEORG HOCHMUTH

Mbi 37 për qind e popullsisë në Kosovë tashmë janë vaksinuar kundër coronavirusit, ndërkaq mbi 50 për qind ka arritur vaksinimi i grupeve të synuara, që janë mosha mbi 18 vjeç në vendin tonë.

Kështu ka njoftuar Ministria e Shëndetësisë sot, përmes një postimi në Facebook, ku po ashtu janë bërë publike edhe të dhënat për të vaksinuarit më një dozë dhe ata me dy doza të vaksinës antiCOVID-19.

Ministria e Shëndetësisë ka njoftuar se në nivel të popullsisë vaksinimi në Kosovë tashmë ka arritur në mbi 37.9 për qind të vaksinuar plotësisht.

“Për aq kohë sa regjistrohen ende raste të reja të COVID-19, ndryshimi nuk do të vijë nëse nuk punojmë të gjithë së bashku për t’u vaksinuar të gjitha grupet e synuara. Vaksinimi është mbrojtja më e mirë që kemi”, thuhet në këtë njoftim.