Lajme
Nga 26 tetori nisin “Javët e Kulturës Shqiptare në Austri”
“Javët e Kulturës Shqiptare në Austri” vazhdojnë të mbeten vula e ngjarjeve më të rëndësishme kulturore, artistike dhe sportive e komunitetit shqiptar në Austri
Me javë të tëra e gjithë vëmendja e komunitetit shqiptar në Austri do të fokusohet në kulturën dhe artin e popullit tonë. “Javët e Kulturës Shqiptare në Austri” për pak ditë do të fillojnë rrugëtimin disamujor me aktivitete të llojllojshme. Ato vazhdojnë të mbeten vula e ngjarjeve më të rëndësishme kulturore, artistike dhe sportive e komunitetit shqiptar në Austri.
Me moton e përhershme “Bukë, kripë e zemër”, “Javët e Kulturës” vijnë para publikut shqiptar, austriak dhe miqve të tjerë ndërkombëtarë për të treguar traditën, bujarinë, mikpritjen dhe zemërgjerësinë e shqiptarëve.
“Këshilli Koordinues i Shoqatave Shqiptare në Austri tashmë ka bërë të gjitha përgatitjet e duhura për të tetin vit radhazi duke bërë që tradita e popullit tonë të vazhdojë vit pas viti. Edhe këtë vit “Javët e Kulturës” zyrtarisht do të hapen më 26 tetor në Vjenë, pikërisht në ditën e Festës Kombëtare të Austrisë”, thuhet në njoftimin e Këshillit, raporton albinfo.at.
Me një program të pasur dhe si asnjëherë tjetër më parë, “Javët e Kulturës” do të përmbajnë 14 aktivitete të larmishme.
Gjatë “Javëve të Kulturës Shqiptare në Austri” do të zhvillohen ekspozita, aktivitete kulturore, orë letrare, bashkëbiseda të ndryshme, programe muzikore me grupe dhe valle tradicionale, shfaqje teatrale dhe kinematografikë si dhe turne shahu e futbolli.
Përveç aktiviteteve të tjera, Këshilli Koordinues në fokus do të këtë tri data kryesore, ku i ka ndarë në katër aktivitete. Për nder të shtetit mik dhe Ditës së Pavarësisë së Austrisë, do të hapet fillimisht më 26 tetor një ekspozitë e përbashkët e artistëve shqiptarë dhe austriakë “Künstler bauen Brücken”(Artistët ndërtojnë urat).
Për festën e 28 Nëntorit, në Vjenë do të këndoj Elina Duni
Për festën e 28 Nëntorit do të këndojë para publikut shqiptar dhe austriak këngëtarja shqiptare me famë ndërkombëtare e muzikës Jazz, Elina Duni, e cila bashkë me grupin e saj pritet të sjellë një natë të paharruar për komunitetin shqiptar dhe miqtë tanë ndërkombëtarë. Koncerti do të mbahet më 29 nëntor. Karriera e bujshme e këngëtares Elina Duni ka zgjuar interesimin e menjëhershëm të komuniteti tonë.
Përpos aktiviteteve të tjera që do të organizohen nga shoqata të ndryshme shqiptare, Këshilli Koordinues do të sjellë edhe shfaqjen teatrale “Karl Mayer”. Publiku shqiptar dhe i huaj në Austri do të kenë mundësinë të shohin një shfaqje të mrekullueshme teatrale me emrat më të njohur të aktorëve nga Kosova. Shfaqja do të jepet në Vjenë me datën 20 nëntor.
Ndërkohë aktivitetet e “Javëve të Kulturës Shqiptare” do të vazhdojnë përgjatë 4 muajve të ardhshëm, për t’u përmbyllur më 17 Shkurt, Ditën e Pavarësisë së Kosovës. ku pritet të shfaqen filmat më të mirë të kinematografisë shqiptare, duke përfshirë edhe filmin “Zgjoi”.
“Javët e Kulturës Shqiptare në Austri” edhe këtë vit janë përkrahur, kryesisht nga institucionet austriake dhe ambasadat tona shqiptare në Austri. Po ashtu gatishmëri për të mbështetur këto aktivitete kanë premtuar edhe disa kompani shqiptare në Austri”, thuhet në shpalosjen e programit nga Këshilli, përcjell albinfo.at.
Vlen të theksohet se hyrja lejohet vetëm për personat që janë të vaksinuar, të shëruar apo të testuar negativisht me PCR nga virusi Covid -19.
Platforma albinfo.at dhe albinfo.ch do të jenë partnerë medialë i të gjitha aktiviteteve të “Javëve të Kulturës Shqiptare”.
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?