Hapet edhe një klasë e mësimit të gjuhës shqipe në Zvicër

Në Sion të kantonit të Valisit

Një tjetër klasë e mësimit të gjuhë shqipe ka çelur dyert për fëmijët shqiptarë në Zvicër. Pas një pune dhe angazhimi disa javësh, ditën e hënë, më 27 shtator 2021, “Shkolla Shqipe” hapi dyert për fëmijët shqiptarë në Sion (Sitten) të Kantonit të Valisit, përcjell albinfo.ch.

Tani shkolla shqipe në Zvicër është një realitet. Pas një pune dyvjeçare, kryesisht nën kushtete vëshira të krijuara nga pandemia, ajo vazhdon rrugëtimin e saj kudo ku ka shqiptarë, duke iu bërë thirrje prindërve shqiptarë që t`i dërgojnë fëmijët e tyre në klasat e sapohapura, jo vetëm në Kantonin e Zyrihut, Bernës, St. Gallenit, Baselit, Zug-it, Waadt, Thurgau-t, Grabünden-it, Luzern-it, Solothurn-it, Schaffhausen-it, Apenzell-it, por kudo në Zvicër.

Me qëllimin e vetëm që të ketë sa më shumë fëmijë në orët mësimore të gjuhës shqipe, e të mos humbasin rrënjët, kultura dhe tradita shqiptare. /Albinfo.ch

---