Pamje nga shpërthimi në Suedi, të paktën 25 të plagosur

Njerëz që hidhen nga ballkonet e dritaret

Një shpërthim i madh ka tronditur qytetin e Goteborgun të Suedisë, ku një ndërtesë është përfshirë nga zjarri. Njëzet e pesë persona u dërguan në spital pas një shpërthimi në një ndërtesë, herët në mëngjes në Gothenburg, Suedi, njoftoi radio stacioni publik SR. Mediet lokale raportojnë se 3 nga të plagosurit janë në gjendje kritike, përcjell albinfo.ch.

Policia tha se ka nisur një hetim, edhe pse nuk ka asnjë të dyshuar deri tani.

Ende nuk dihet shkaku i shpërthimit, ndërkohë policia po punon për zbardhjen e plotë të ngjarjes.

“Apartamentet dhe shkallët janë dëmtuar. Është e paqartë për momentin se çfarë e shkaktoi shpërthimin”, thanë shërbimet e urgjencës në Gothenburg.

Shpërthimi ndodhi pak para orës 5:00 të mëngjesit, në Annedal, në Gothenburg qendror. Zjarrfikësit janë edhe në tentativë të shuarjes së zjarrit, i cili akoma nuk është nën kontroll, por ndërtesa ku përfshinte shumë banesa është liruar, pasi njerëzit që ndodheshin në shtëpi janë hedhur jashtë nga dritaret dhe ballkonet.

Shërbimi i shpëtimit dhe policia ende nuk e dinë se çfarë shpërtheu, por nuk përjashtohet mundësia e një rrjedhje gazi.

 

 

---