Lajme
Austri: “AMS” ndalon përfitimet e papunësisë për ata që refuzojnë të vaksinohen
Kushdo që refuzon një punë për shkak të një detyrimi për vaksinim ndaj koronës, do t'i ndalen përfitimet e papunësisë
Gazeta austriake “Standard” raportoi të enjten se ka kufizime të reja për të papunët nga Ministria e Punës, të cilën e udhëheq ministri, Martin Kocher. Nëse dikush refuzon një pozicion pune të arsyeshëm vetëm sepse do të duhej të vaksinohet kundër koronavirusit, pagesat e tij/saj do të ndalohen. E njëjta gjë vlen edhe nëse për këtë arsye nuk aplikoni për ndonjë punë të caktuar, raporton gazeta “heute.at”, përcjell albinfo.at.
Sipas burimeve të gazetave austriake, AMS (Shërbimi publik i punësimit) duhet të merret me njerëz që refuzojnë një punë të caktuar vetëm pse duhet të vaksinohen kundër koronavirusit. Personat, të cilët nuk mund të vaksinohen për arsye mjekësore, nuk duhet të presin një ndalim nga AMS. Edhe ata që kanë aplikuar, por për shkaqe të caktuara dhe të arsyeshme nuk kanë arritur ta marrin vaksinën, nuk duhet të kenë frikë se përfitimi i tyre i papunësisë do të anulohet. Kjo ndodh vetëm kur punëdhënësit raportojnë se një aplikant ka refuzuar ose refuzon punën sepse ai duhet të vaksinohet.
Prandaj, AMS pyeti Ministrinë e Punës se si të sillet me këta persona. Duke vepruar kështu, iu referua situatës aktuale ligjore me anë të një letre (jo me dekret, siç supozohej fillimisht).
“Personat e regjistruar si të papunë në AMS janë të detyruar të pranojnë pozicione të arsyeshme. Në këtë mënyrë, të papunët gjithashtu mund të vendosen në pozicione ku kërkohen vaksinime në lidhje me ushtrimin e profesionit”, ka thënë ministri i Punës, Kochler, për “heute.at”, transmeton albinfo.at.
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri