Zvicër: Edhe Komisioni Federal për Vaksinimet rekomandon gratë shtatzëna që të vaksinohen

EPA/Carlos Ortega

Komisioni Federal për Vaksinimet (CVF) po këshillon të gjitha gratë shtatzëna që të marrin injeksionin nga java e 12-të e shtatzënisë.

Ky rekomandim është bërë, sepse gratë shtatzëna shpesh kanë një rrjedhë më të rëndë të sëmundjes sesa njerëzit e tjerë, thonë zyrtarët shëndetësorë, shkruajnë mediat zvicerane, përcjell albinfo.ch.

Kryetari i CVF, Christoph Berger, vuri në dukje se një grup provash në rritje tregojnë se përfitimet e vaksinimit të grave shtatzëna tejkalojnë rreziqet, dhe gratë shtatzëna që nuk vaksinohen kanë një rrezik në rritje për të përfunduar në spital dhe madje edhe në kujdes intensiv. Ekziston edhe rreziku i abortit.