Zvicër: 9 nga 10 në kujdesin intensiv janë të pavaksinuar

(KEYSTONE/Christian Beutler)

Sindikatat e Gjenevës dhe autoritetet po u bëjnë thirrje kompanive që të lejojnë stafin me kohë të lirë për t’u vaksinuar.

Këshilltari kantonal për ekonominë Fabienne Fischer thotë se kompanitë duhet të jenë fleksibile në mënyrë që punëtorët të vaksinohen gjatë ditës, shkruajnë mediat zvicerane, përcjell albinfo.ch. 

Sindikatat thonë se nuk duhet të ketë shkurtim të pagës. Joel Varone nga shoqata e Sindikatave të Gjenevës thotë se vaksinimi mbron stafin dhe kolegët e tyre. Ai vëren se 9 nga 10 në kujdesin intensiv janë të pavaksinuar. 

Të tjerë theksojnë se mbron vendet e punës pasi një shkallë e lartë e vaksinimit duhet të shmangë bllokimet e mëtejshme. 

Kompanitë janë në gjendje të bëjnë rezervime bllok në qendrat për punëtorët që duan të vaksinohen. 

Shumë e kanë bërë tashmë këtë. Farmacistja kantonele, Nathalie Vernaz-Hegi thotë se skema është një sukses i madh.