Kosova
Mërgimtari i zhdukur prej 4 ditësh, gjendet nga policia e Kosovës
Mërgimtari që kishte ardhur për pushime nga Austria në Kosovë u raportua si i zhdukur nga familja e tij
Pas katër ditësh si i zhdukur, para pak minutash policia e Kosovës ka konfirmuar gjetjen e mërgimtarit me prejardhje nga Kaçaniku.
Mërgimtari që jeton në Austri është gjetur në magjistralen Kaçanik-Ferizaj, përkatësisht në një restorant.
I njëjti kishte ardhur për pushime në Kosovë, ndërsa familjarët e tij nuk kanë ditur asgjë për vendndodhjen e tij, pasi kishte dalë nga shtëpia dhe nuk ishte kthyer.
Lajmin për gjetjen e tij e ka konfirmuar Kanun Veseli, zëdhënës në Policinë Rajonale të Ferizajt.
“Rreth orës 13:42 në magjistralen Kaçanik-Ferizaj është gjetur personi në fjalë, qytetarët e kanë njohur, policia e ka marrë dhe e kanë dërguar në stacion, por fillimisht e kanë dërguar në qendrën ambulantore për t’ia kontrolluar gjendjen, pastaj e kanë intervistuar”, tha Veseli për Gazetën Express.
I pyetur nëse mërgimtari ishte me ndonjë person gjatë kohës sa u gjet, Veseli tha “paska qenë edhe një familjar i tij, por nuk dihet saktë”.
Ai shtoi se mërgimtari është parë në gjendje të mirë shëndetësore, por sipas praktikës, zakonisht personat e lajmëruar si të zhdukur fillimisht zhvillojnë një kontroll mjekësor.
Për zhdukjen e tij ka njoftuar sot policia me anë të raportit 24-orësh, teksa arsyet e largimit nga shtëpia mbeten akoma të panjohura.
Sipas polcisë, ai ishte larguar nga shtëpia më 1 shtator.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?