Gjermani: Tejkalohet mesatarja javore e infektimeve

( Jan Woitas/dpa via AP)

Shifra mesatare e infeksioneve me Covid-19 në Gjermani është rritur përsëri dhe të shtunën shkoi në 80.7, ndërsa një javë më parë ishte 72.1 për 100 mijë banorë. Të dhënat i bëri të ditura Instituti Robert Koch.

Sipas ‘The Guardian’, numri mesatar i pacientëve të pranuar në spitale me Covid-19 për 100 mijë banorë brenda shtatë ditëve tani është 1.83, shifër shumë më e ulët se rekordi i shënuar vitin e kaluar – 15.5.

Autoritetet shëndetësore gjermane raportuan 10.835 raste të reja me Covid-19 për 24 orë, rreth 500 më shumë se një ditë më parë.

Përpos infeksioneve, në 24 orët e fundit në Gjermani u regjistruan edhe 24 të vdekur, ndërsa shifra e përgjithshme e viktimave të koronavirusit ka shkuar në 92.325.