Shkëlzen Gashi, për dy ndeshje shënon tri gola në Zvicër

Në 2 ndeshjet e fundit me skuadrën e Araut, shqiptari ka arritur të gjejë plot 3 herë rrugën e rrjetës

Shkëlzen Gashi është rikthyer në formën e tij më të mirë. Sulmuesi 33-vjeçar, i cili luan në ligën e dytë të Zvicrës, këtë sezon e ka nisur furishëm. Në 2 ndeshjet e fundit me skuadrën e Araut, shqiptari ka arritur të gjejë plot 3 herë rrugën e rrjetës.

Gashi kontribuoi me dopietë në sfidën e datës 21 gusht ndaj Lausane Ouchy, ndërkohë që shënoi sërish edhe në përballjen e ditës së djeshme ndaj Vaduz, ku skuadra e tij u mposht me rezultatin 1-3.

Në minutën e 45+1’, sulmuesi u tregua i saktë nga pika e bardhë e penalltisë, duke barazuar përkohësisht rezultatin. Vlen të theksohet se të skuadra e Vaduzit, shënoi edhe shqiptari i Kosovës, Rahimi.

---