Koronavirusi: çast pas çasti
Mbi 1 milion izraelitë marrin dozën e tretë
Fushata e re e vaksinimit ka nxjerrë të dhënat e para në lidhje me efektivitetin e dozës së tretë
Më shumë se një milion izraelitë kanë marrë dozën e tretë të vaksinës, ndërsa qeveria po lufton për frenimin e përhapjes së variantit Delta përmes një tjetër fushate vaksinimi.
Qeveria izraelite nisi fushatën e saj të fundit të vaksinimit mbi dy javë më parë, duke u bërë thirrje izraelitëve mbi 60 vjeç (që u ul në mbi 50) që të marrin dozën e tyre të tretë “përforcuese”, të cilën zyrtarët shpresojnë se do të ndihmojë në mbrojtjen e më të prekurve të Izraelit nga varianti i ri.
1,048,767 izraelitë, që është më shumë se gjysma e popullsisë mbi 50 vjeç kanë marrë dy dozat e para (në total 1.9 milion izraelitë) 5 muaj më parë, shkruan Monitor, transmeton albinfo.ch.
Fushata e re e vaksinimit ka nxjerrë të dhënat e para në lidhje me efektivitetin e dozës së tretë.
Sipas shifrave të Ministrisë së Shëndetësisë, rezultatet janë shumë premtuese. Marrësit e dozës së tretë rezulton të jenë 2.5 herë më të mbrojtur nga infeksioni sesa ata që morën vetëm dy dozat e para të vaksinës Pfizer.
Mbrojtja e shtuar duket se arrin kulmin rreth një javë pas dhënies së dozës së tretë. “Ne kemi arritur një milion qytetarë që kanë marrë përgjegjësinë për veten dhe kanë bërë vaksinimin e tyre të tretë. Qytetarët e Izraelit janë të parët në botë që marrin dozën e tretë, dhe kjo nuk është diçka që ne duhet ta marrim si të mirëqenë. Është mënyra e vetme për të mbrojtur shëndetin dhe jetesën tonë. Të gjithë ata që ende nuk janë vaksinuar, duhet të shkojnë të vaksinohen”, tha kryeministri Naftali Bennett.
“Vaksina është metoda më efektive që ne kemi për të luftuar variantin Delta, për të mbrojtur shëndetin, ekonominë dhe rutinën tonë të përditshme”, tha ministri i Shëndetësisë, Nitzan Horowitz.
Nga popullsia e Izraelit prej rreth 9.3 milionë, mbi 5.8 milionë kanë marrë të paktën një dozë vaksine, dhe më shumë se 5.4 milionë kanë marrë dy të tilla.
E-Diaspora
-
Pianistja Lule Elezi me koncert recital për nder të Lidhjes Shqiptare të Prizrenit Bëhet e ditur se të hënën, më 10 qershor, për nder të Lidhjes së Prizrenit, në...
-
Reportazh nga Televizioni Zviceran RTS për kulturën shqiptare
-
Yjet e Grand Hotel Prishtina në Bazel
-
Andi Zeqiri sërish nuk ftohet nga Zvicra
-
Zyrtare: Ardon Jashari ftohet në garën e Kampionatit Evropian “Euro 2024”
Jeta në Austri
-
A mund të bëjë Austria më shumë për të trajtuar rritjen e çmimeve të energjisë? Çmimet e gazit dhe energjisë elektrike po vazhdojnë të rriten në Austri – më shumë se...
-
Austri
Austri: Filmi për dëbimin e familjes kosovare fitoi çmimin kryesor në kategorinë e filmave të shkurtër
-
Austria fiton ndaj Serbisë
-
Austri: Vdes ish-kancelarja Brigitte Bierlein
-
Ministritë e Jashtme të Kosovës e Austrisë zhvilluan konsultime politike