Maqedoni: Po testohen vetëm mërgimtarët

“Sigurisht se ka mbi 1 mijë persona që janë pozitivë brenda ditës, kryesisht të rinj që kolliten, teshtijnë ose kanë rrjedhje nga hunda, por e kalojnë virusin me simptoma të lehta. Testohen vetëm ata që janë të detyruar që ta marrin testin negativ për t’u kthyer në vendet e Evropës, ku ata jetojnë”, thotë mikrobiologu Panovski

Shifrat e rasteve të reja janë të paktën trefish më të larta se numrat zyrtar, pasi tani me virus po infektohet popullata e re, që e kalon virusin me simptoma të lehta dhe për këtë arsye nuk testohen.

Kështu tha për mediat mikrobiologu maqedonas Nikolla Panovski nga Fakulteti i Mjekësisë në Shkup, ndërsa ka shtuar se aktualisht, po testohen vetëm ata që janë të detyruar që ta marrin testin negativ për t’u kthyer në vendet e Evropës, ku ata jetojnë.

“Sigurisht se ka mbi 1 mijë persona që janë pozitivë brenda ditës, kryesisht të rinj që kolliten, teshtijnë ose kanë rrjedhje nga hunda, por e kalojnë virusin me simptoma të lehta. Testohen vetëm ata që janë të detyruar që ta marrin testin negativ për t’u kthyer në vendet e Evropës, ku ata jetojnë”, thotë Panovski, transmeton koha.mk, përcjell Albinfo.ch.

Ai shton se është gabim që masat e ndërmarra nga qeveria nuk hyjnë në fuqi menjëherë, por vetëm pas tri javësh, pasi sipas tij, me rritjen e numrit të rasteve, situata do të jetë vështirë e menaxhueshme.

 

---