Çfarë duhet të dini rreth ‘kartonit të gjelbër’ për bashkatdhetarë

Njoftim nga Ministria e Financave, Punës dhe Transfereve

1. Është bërë e ditur sot nga Ministria e Financave, Punës dhe Transfereve se mbulimi i kostos së policës kufitare/kartonit të gjelbër për bashkatdhetarët është i mundshëm vetëm për veturat dhe motoçikletat që hyjnë fizikisht përmes pikave kufitare, përcjell albinfo.ch.

Theksohet në njoftimin për media se Policat kufitare të subvencionuara kanë vlefshmëri 1-mujore dhe në rast të qëndrimit përtej afatit 1-mujor të policës së subvencionuar, polica mund të ripërtërihet në dy mënyra: duke kaluar përsëri nëpër njërën nga pikat kufitare për të marrë edhe një policë të subvencionuar nga shteti, ose duke blerë policë të re në njërën nga zyrat e BKS-së brenda territorit të vendit.

Vlen të theksohet se policat që blihen brenda territorit të vendit, i nënshtrohen zbritjes së çmimit prej 35%, sipas vendimit të BQK-së.

Ky aranzhim është i domosdoshëm, marrë parasysh se kalimi përmes sistemit të kontrollit kufitar është mënyra e vetme për të identifikuar saktësinë e të dhënave që shërbejnë si bazë për subvencionim e policës kufitare.

---