Lajme
200,000 francezë protestojnë kundër pasaportës shëndetësore dhe vaksinimit të detyrueshëm
Demonstrata më e madhe është zhvilluar para "Moulin Rouge" të Parisit. Disa protestues kanë hedhur objekte drejt policisë ndërsa policët janë përgjigjur me gaz lotsjellës
Pas një jave, francezët do të lejohen të hyjnë në restorante vetëm nëse mund të dëshmojnë se janë vaksinuar, shëruar ose kanë rezultat negativ të testit.
Shumica e qytetarëve janë pro këtij hapi të qeverisë. Mirëpo, rreth 204,000 njerëz kanë protestuar të shtunën kundër tij, raportojnë mediat franceze.
Në të gjithë Francën, dhjetëra mijëra veta kanë dalë në rrugë kundër vendimit të planifikuar të qeverisë për pasaportën e koronës, transmeton albinfo.ch. Në mbarë vendin vlerësohet se kishte rreth 204,000 protestues.
Demonstrata më e madhe është zhvilluar para “Moulin Rouge” në veri të Parisit. Disa protestues kanë hedhur objekte drejt policisë. Ndërsa policët janë përgjigjur me gaz lotsjellës. Një protestues kishte gjak në kokë. Ndërkaq, mediat kanë raportuar për tre policë të plagosur. Në Bastille, policia ka përdorur një top uji.
Infeksionet e reja janë rritur për shkak të variantit Delta
Megjithatë, shumica e pjesëmarrësve kanë treguar sjellje paqësore. Ata kanë dalë në rrugë për të protestuar kundër pasaportës së Koronës, e cila tashmë ishte miratuar nga parlamenti. Pa këtë pasaportë nuk do të ketë më qasje në restorante dhe shumë ambiente të tjera, duke filluar nga 9 gushti.
Ajo u lëshohet njerëzve të vaksinuar, atyre të shëruar nga Corona dhe njerëzve që kanë një test negativ. Ligji gjithashtu kërkon që deri në mes të shtatorit të vaksinohen të gjithë punonjësit e kujdesit shëndetësor .
Qeveria i referohet rritjes së mprehtë të numrit të infeksioneve të reja si pasojë e variantit delta. Të premten kishte më shumë se 24,000 infeksione të reja pas disa mijërave sa ishin në fillim të korrikut.
52 përqind e popullsisë, e vaksinuar
Sipas sondazheve, shumica e francezëve mbështesin pasaportën në fjal. Por, kundërshtarët pikërisht për këtë janë edhe më këmbëngulës, duke demonstruar për fundjavën e tretë radhazi. Të shtunën ata ishin mbledhur nën sloganin “Liri”.
Ndërkohë, qeveria ka njoftuar se shpallja për pasaportën e koronës kishte bërë që shumë njerëz të pavaksinuar të regjistroheshin për t`u vaksinuar, transmeton albinfo.ch. Në Francë, më shumë se 52 përqind e popullsisë tani janë të vaksinuar. Rreth 112,000 njerëz kanë vdekur nga korona që nga fillimi i pandemisë.
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?