Shqipëria

Pas një muaji, viktima e parë nga koronavirusi në Shqipëri

E mërkurë, 28 Korrik 2021 - 18:35 albinfo.ch

Në Shqipëri janë rikthyer vdekjet nga COVID-19, pas më shumë se një muaj pa asnjë fatalitet.

Në të dhënat e fundit që bën publike Ministria e Shëndetësisë, bëhet e ditur se ka humbur jetë një qytetar 74 vjeç nga Kurbini, i cili nuk ishte vaksinuar.

Rasti i fundit me vdekje nga koronavirusi në Shqipëri ishte shënuar më 26 qershor.

Që prej nisjes së pandemisë, në Shqipëri ka pasur 2 457 humbje jete nga COVID-19.

Sa u takon rasateve të reja, nga kryerja e 3 316 testime, kanë rezultuar të prekur 30 persona.

Aktualisht janë 321 pacientë aktivë me COVID-19 në gjithë vendin, ndërsa vihet re një rritje e rasteve që kanë nevojë për trajtim spitalor, duke e çuar numrin në 17 pacientë.

 

 Të ngjashme

“Me tank, kundër patriarkatit”, gruaja që prodhoi autoblindën e parë shqiptare

 Të tjera nga Shqipëria

Kosova dhe Shqipëria ndër vendet me nivel të lartë të lodhjes emocionale në punë në Evropë

 E-Diaspora

 Jeta në Austri