Viktima nga shpërthimi në Gjermani

epa09369789 A view of smoke billowing from the chemical industry area of 'Chempark' in Leverkusen, Germany, 27 July 2021. The city of Leverkusen has warned citizens on its official website, that an explosion with an unknown cause occurred on the day at the site of the Chempark. Residents are asked to stay indoors and to keep windows and doors closed. EPA/SASCHA STEINBACH

Mediat gjermane shkruajnë se deri më tani së paku dy njerëz humbën jetën dhe 31 të tjerë u plagosën në një shpërthim të madh që ndodhi të martën në një park kimik në qytetin Leverkusen të Gjermanisë, përcjell albinfo.ch.

Thuhet se të dhënat i konfirmoi sot operatori i lokacionit, i cili tha se pesë persona janë ende të zhdukur.

Shpërthimi ndodhi në Chempark, një nga parqet më të mëdha industriale në botë.

Operatori Currenta tha se kërkimet për pesë të zhdukurit vazhdojnë, por shpresa për gjetjen e të mbijetuarve “është duke u zvogëluar shpejt”.

Currenta tha se shpërthimi ndodhi në një pjesë të parkut ku gjenden mbeturinat dhe se nuk është ende e qartë se çfarë e shkaktoi atë.

Shpërthimi i madh aktivizoi alarmin e “rrezikut ekstrem” dhe bëri që zyrtarët t’iu bëjnë thirrje banorëve pranë që të strehohen brenda dhe t’i mbyllin dritaret e tyre për të shmangur kontaktin me tymin e madh.

Matjet e cilësisë së ajrit më vonë treguan se ajri është në nivele të sigurta.