Më 6 gusht hyjnë në fuqi masat e reja në Itali

dimitrisvetsikas1969

Duke nisur nga 6 gushti, italianët duhet të jenë të pajisur me një pasaportë jeshile që vërteton se janë vaksinuar kundër COVID-19. Vetëm në këtë mënyrë ata lejohen të futen në bare, restorante, muze, teatro apo palestra.

Do të lejohen edhe ata që vërtetojnë se kanë marrë dozën e parë të vaksinës, janë shëruar ose kanë një test negativ në 48 orët e fundit. Qeveria shpreson se një masë e tillë do të nxisë procesin e vaksinimit.

Pavarësisht kundërshtive nga opozita, kryeministri Draghi shprehet se apeli për mosvaksinim është një thirrje drejt vdekjes.

”Shtetet e tjera evropiane kanë nivele më të larta të të infektuarve. Por, ne kemi mësuar se nëse nuk reagojmë tani, rritja e të infektuarve do të na prekë edhe ne. Nëse nuk marrim masa, në Itali do të ndodhë ajo çka po ndodh në Francë, Angli apo Spanjë”, u shpreh Draghi.