Tragjedia në Velipojë, turisti kosovar largohet nga hoteli: Tërë natën krisma, tmerr!

I tmerruar nga ajo që ka parë mbrëmë në Velipojë, ky turist nga Kosova, së bashku me bashkëshorten e tij kanë vendosur ta lënë dhomën e hotelit që kishin prenotuar për të ikur.

Në një prononcim për media, kryefamiljari tregon tmerrin e përjetuar.

“Katastrofë gjithë natën kurrë pa flejt. Kena ardh për qejf. Tërë natën krisma, kallashi kurrë pa ndalë. Kjo është tmerrim, tmerrim. Po largohemi, ku me nejt. S’rrihet. Na kemi ardh për qejf. Ky është tmerr! Kallashi gjithë natën. Katër vetë thanë të vdekur, të plagosur, tmerr, mjerim Jam prej Podujevës në Kosovë”, tha ai, për mediat në Shqipëri, përcjell albinfo.ch.