Suedia heq kufizimet për shtetasit e Maqedonisë së Veriut

Foto: Aeroporti i Shkupit në Facebook

Mediat maqedonase shkruajnë se Suedia sot hoqi kufizimet për udhëtarët nga Maqedonia, të cilët mund të hyjnë zyrtarisht në vend me një test negativ PCR, si dhe një certifikatë të vaksinimit ose dëshmi se kanë kaluar koronavirusin, përcjell albinfo.ch.

“Nga 24 qershori do të hiqet ndalimi i udhëtimit për Serbinë, Shqipërinë, Libanin, Maqedoninë e Veriut, Shtetet e Bashkuara, Makao, Hong-Kongun dhe Tajvanin”, deklaruan qeveria suedeze. Udhëtarët këshillohen që gjithmonë të konsultohen me ambasadën dhe të informohen plotësisht për rregullat e zbatueshme për vendin e origjinës.

Suedia njeh një test negativ antigjeni ose PCR, një certifikatë vaksinimi ose dëshmi se e keni kaluar koronavirusin.