Twitter lejon përdoruesit e iOS të ndajnë postimet në Instagram

Përditësimi i ri i Twitter ka sjellë një mundësi tjetër për të ndarë shkrimet që bëhen në Twitter.

Shërbimi i ri është i mundur vetëm në aplikacionin Twitter për iOS, ku tani mund të ndani shkrimet që i bëni në Twitter-in tuaj direkt në Instagram.

Kur vendosni të ndani një shkrim në Twitter në një storie, atëherë mund të bëni çfarë të doni me të në Instagram – mund të ndryshoni pozicionin e tij, mund t’i vendosni një sfond të veçantë për të, shtoni afishe të ndryshme, tekst, muzikë etj.

Twitter ka vendosur ta bëjë të gjithë procesin më të lehtë dhe më të bukur për përdoruesit, kështu që tani mund t’i bëni të gjitha me vetëm një klikim.

Nuk ka asnjë informacion nëse kjo është duke u punuar ose kur kjo mundësi e re do të arrijë për Android.