Lajme
Iniciativa më e re: Askush në Zvicër nuk bën të ketë mbi 100 milionë franga
Të ardhurat shtesë (ato që do të merren në emër të tatimeve), sipas Juso-s duhet të derdhen në luftimin e krizës klimatike
Projekti i iniciativës “Bëni të pasurit të paguajnë për ndryshimin e klimës” është projekti i madh i radhës i iniciuar nga Socialistët e Rinj (Juso) pas iniciativës së quajtur “99 për qind” për të cilin do të votohet më 26 shtator, shkruan agjencia e lajmeve, sda.
Askush në Zvicër nuk duhet të ketë më shumë se njëqind milionë franga në konto, po u votua iniciativa e kësaj organizate, transmeton albinfo.ch. Në kuvendin e tyre të mbajtur të shtunën, Socialistët e Rinj u shprehën në favor të iniciimit të një nisme popullore që do të mundësonte këtë.
Menaxhmenti i partisë së të rinjve do të shqyrtojë opsionet e zbatimit dhe do të punojë për iniciativën në muajt e ardhshëm, ka njoftuar Juso pas takimit me rreth 200 pjesëmarrës në Wettingen AG.
Në diskutim do të jetë një taksë e vetme për pasuritë përkatëse të larta ose një rritje e madhe në nivelet më të larta të taksave.
Të ardhurat shtesë (ato që do të merren në emër të tatimeve) duhet të derdhen në luftimin e krizës klimatike dhe në investime, si në ngrohjen sipas standardeve ekologjike, zgjerimin e shfrytëzimit të energjisë diellore ose uljen e çmimeve të transportit publik.
Juso e arsyeton vendimin për iniciativën e re për të kufizuar pasurinë private me faktin se super të pasurit kanë përfituar për vite me radhë nga një sistem ekonomik i dëmshëm për klimën, përcjell albinfo.ch. Prandaj, atyre tani duhet t’u kërkohet të paguajnë për parandalimin e “kolapsit të klimës” dhe t`ia lehtësojnë barrën popullit.
“Njëqind milionë franga janë më shumë para sesa mund të shpenzojë njeriu në një jetë”, thuhet në qëndrimin e Juso-s.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë