Kosova

Për të dytën ditë Kosova nuk regjistron asnjë viktimë nga COVID-19

E diel, 23 Maj 2021 - 15:45 albinfo.ch
Foto: Ministria e Shëndetësisë e Kosovës

Për të dytën ditë me radhë, në Kosovë nuk është regjistruar asnjë viktimë nga koronavirusi.

Sipas Institutit Kombëtar të Shëndetësisë Publike, në 24 orët e fundit janë regjistruar 31 raste të reja me Covid-19.

Shifrat e rasteve të reja dalin pas testimit të 3.012 mostrave. Nga kjo shifër, del se një për qind e të testuarve kanë dalë pozitivë me sëmundjen COVID-19.

Gjatë 24 orëve janë shëruar 95 qytetarë, njoftoi IKSHPK-ja. Që prej paraqitjes së rasteve të para me koronavirus, në mars të vitit 2020, Kosova ka regjistruar në total 107.244 raste me COVID-19.

2.239 persona kanë humbur jetën që prej fillimit të pandemisë, ndërkaq, 101.374 pacientë janë shëruar.

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Partia Demokratike e Kosovës merr pjesë në vazhdimin e seancës konstituive

 E-Diaspora

 Jeta në Austri