Kërcënon ambasadori i shkarkuar: Mund të ketë konflikt

Duke refuzuar ta lirojë pozitën e ambasadorit, Dedaj ka thënë se mund te ketë konflikt me atë që pretendon t’ia zërë vendin

Ambasadori i shkarkuar i Kosovës në Maqedoninë e Veriut, Gjergj Dedaj, ka porositur ambasadorin e ri të Maqedonisë së Veriut që të ketë kujdes nëse mendon të shkojë si ambasador në Shkup në vend të tij.

Duke refuzuar ta lirojë pozitën e ambasadorit, Dedaj ka thënë se mund të ketë konflikt me atë që pretendon t’ia zërë vendin.

“Ambasadori i ri, që mund të emërohet nga MPJ, por i them se është mirë të mendojë para se me ardhë, sepse kështu mundet me ra ndesh edhe me mu, mundet me ardhë deri te një konflikt i padëshirueshëm. Unë jam njeri tolerant, por e di që kur atakohem, jam i aftë për ta mbrojtur vetën.

Kur t’i shkosh dikujt në zyre duhet me mendu se nuk është një vendim i duhur dhe është një veprim që mund të krijojë pakënaqësi, e unë nuk kam dëshirë me qenë pre e provokimeve”, ka thënë Dedaj për T7, transmeton Albinfo.ch.

 

---