Lista e gjerë e Zvicrës: Ftohen 4 shqiptarë, debuton Zeqiri

Vladimir Petkoviq ka publikuar listën e gjerë për Kampionatin Evropian 2020

Zvicra ka publikuar listën e gjerë për Kampionatin Evropian 2020, që do të zhvillohet gjatë verës.

Vladimir Petkoviq ka ftuar 29 futbollistë, listë që më pas do të shkurtohet në 26, shkruan albinfo.ch.

Në mesin e lojtarëve të ftuar janë Xherdan Shaqiri, Granit Xhaka dhe Admir Mehmedi, kurse për herë të parë është ftuar Andi Zeqiri. Kjo është hera e parë që Zeqiri ftohet nga Zvicra A, kurse mbetet të shihet nëse do të jetë në Evropian.

“Të gjithë 29 lojtarët e kanë mundësinë për ta përmbushur ëndrrën me paraqitje në Evropian. Por, paraqitja e mirë është kryesorja”.

“Më të mirët nga ky moment do të bëjnë gara për të qenë pjesë e Evropianit. Do të jenë 26 lojtarë që së bashku bëjnë një grup të fort. Disa lojtarë të rinj e kanë mundësinë për të marrë eksperiencë”, ka thënë Petkoviq.

Lista e gjerë e Zvicrës

Portierë: Kobel, Mvogo, Omlin, Sommer.

Mbrojtës: Akanji, Benito, Cömert, Elvedi, Lotomba, Mbabu, Omeragic, Rodriguez, Schär, Widmer.

Mesfushorë/sulmues: Embolo, Fassnacht, Edimilson, Freuler, Gavranovic, Mehmedi, Ndoye, Seferovic, Shaqiri, Sow, Vargas, Xhaka, Zakaria, Zeqiri, Zuber.

---