Vazhdon rënia e numrave në Zvicër: 1375 infeksione dhe 4 vdekje për 24 orë

Mesatarja 7 ditore e numrit të infeksioneve është 1472 ose 14 për qind më pak se në javën e kaluar. Ndërsa mesatarja e vdekjeve ka rënë 48 për qind

Zyra Federale e Shëndetit Publik ka raportuar në pasditen e sotme 1375 raste të reja që kishin rezultuar pozitive për koronavirusin në 24 orët e fundit, njofton srf.ch.

Mesatarja 7 ditore e numrit të infeksioneve është 1472 ose 14 për qind më pak se në javën e kaluar. Incidenca 14-ditore aktualisht është 241.01.

Shkalla mesatare pozitive në shtatë ditët e fundit aktualisht është 6.7 për qind.  Krahasuar me javën e kaluar, norma pozitive është ulur për 1 pikë përqindje.

Numri i testeve në 7 ditët e fundit është 25,289 teste në ditë, që është 4 për qind më i ulët se javën e kaluar.

BAG raporton edhe 4 raste të vdekjeve brenda 24 orëve të fundit, transmeton albinfo.ch. Mesatarja 7 ditore është 5 të vdekur në ditë që përbën një ulje të madhe prej 48 për qind në krahasim me javën e kaluar.

Aktualisht BAG raporton se 873 persona janë duke u trajtuar në  spital për Covid-19. Kjo është 18 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht 80.0 për qind të zëna, përcjell albinfo.ch. Ndërsa po u llogaritën edhe shtretërit ad-hoc, niveli i shfrytëzimit është 74.0 për qind. Nga këta, 23 për qind janë të zënë nga të sëmurët nga Covid 19.

---