Lajme
Tri rregullat e reja gjatë udhëtimeve hyrëse për në Austri
“3 G-të: geimpft, getestet, genesen” (të vaksinuar, të testuar apo të shëruar) do të janë vendimtare pas 19 majit për udhëtime hyrëse për në Austri nga vendet e BE-së, por edhe nga vendet e treta, raporton albinfo.at
Jo vetëm gastronomia të rihapet nga 19 maj. Hyrja në Austri do të bëhet përsëri më e lehtë. Nga kjo kohë, kufizimet e udhëtimeve hyrëse për shumë vende të BE-së do të zbuten, ka njoftuar të hënën, ministri i Shëndetësisë, Wolfgang Mückstein. Ministri Mückstein i ka ndarë në tri kategori të shteteve:
Shtetet e sigurta
Nga shtetet me incidencë të ulët të infeksionit, pavarësisht nëse është një vend i BE-së ose një vend i tretë – do të jetë e mundur të udhëtoni për në Austri pa karantinë. Sidoqoftë, duhet të dëshmoni një test negativ të koronavirusit, një dëshmi të vaksinimit ose që jeni i shëruar nga infeksioni, shkruan albinfo.at.
Shtetet e rrezikuara
Nëse udhëtoni për në Austri nga një vend i BE-së ose një vend i tretë me incidencë të lartë të infeksionit, mund ta bëni këtë pa karantinë, vetëm nëse dëshmoni se jeni i vaksinuar apo i shëruar. Për ata persona që dëshmojnë vetëm testin negativ dhe vijnë nga një shtet që ka incidencë të lartë të infeksionit, duhet të zbatohet rregulli i karantinës i cili është në Austri: 10 ditë karantinë të rregullt, me mundësi që pas pesë ditësh, në rast të testit negativ të koronës, lirohet nga karantina.
Vendet me variantet e rrezikshme të virusit
Për vendet nga vijnë variantet e rrezikshme të virusit, rregulloret e hyrjes në Austri vazhdojnë të janë të rrepta dhe zbatohet rregulli me detyrim dhjetë ditorë në karantinë, pavarësisht nëse janë të testuar, vaksinuar apo të shëruar. Lehtësim për ta është, vetëm që testin mund ta bëjnë në ditën e pestë. Gjithsesi, të prekur aktualisht me variante të rrezikshme janë vetëm Afrika e Jugut, Brazili dhe India.
Në anën tjetër, duhet të theksohet se anasjelltas, për banorët e Austrisë ka ende kufizime hyrëse në shumë shtete të tjera. Në shumicën e atyre shteteve, në rastin e hyrjes, dëshmia e testit negativ të virusit është ende e detyrueshme.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri