Lajme

OBSH-ja miraton vaksinën kineze anti-COVID “Sinopharm”

E premte, 7 Maj 2021 - 20:25 albinfo.ch
@pixabay

Organizata Botërore e Shëndetësisë ka miratuar përdorimin e vaksinës kineze anti-COVID “Sinopharm”.

Në një konferencë, drejtori i përgjithshëm i OBSH-së, Tedros Adhanom Ghebreyesus ka thënë: “Këtë pasdite, OBSH-ja e futi në Listën për Përdorim Emergjent vaksinën kineze Sinopharm, duke e bërë atë vaksinën e gjashtë që merr vlerësimin e OBSH-së për sigurinë, efikasitetin dhe cilësinë. Kjo zgjeron listën e vaksinave anti-COVID që Covax mund të blejë dhe u jep vendeve besim për të shpejtuar miratimin e tyre rregullator dhe për të importuar dhe administruar një vaksinë”.

Covax është një përpjekje ndërkombëtare që të sigurojë qasje të drejtë në vaksinat midis kombeve të pasura dhe të varfra, por situata globale mbetet jashtëzakonisht e pabarabartë.

Rregullatorët nga Kina dhe vendet e tjera kanë miratuar vaksinën “Sinopharm” në muajt e fundit, megjithëse kompania nuk ka lëshuar të dhëna të provës klinike të Fazës 3 që shkencëtarët të vlerësojnë në mënyrë të pavarur./BBC

 Të ngjashme

OBSH: Rastet me COVID-19 janë trefishuar në të gjithë Evropën

 Të tjera nga Lajme

Palatova – Kosovës: Ju duam pjesë të këtij Bashkimi Evropian

 E-Diaspora

 Jeta në Austri