Lajme
Nga sot, drejt atdheut
Kosova, Shqipëria, Maqedonia e Veriut e Mali i Zi nuk ndodhen në listën e Zvicrës me rrezik të lartë
Zvicra ka përditësuar listën e shteteve me rrezik dhe vendimi do të hyjë në fuqi më 6 maj (sot).
Nga lista e re e vendeve me rrezik BAG ka larguar Kosovën, Malin e Zi, Maqedoninë e Veriut dhe Bosnjë e Hercegovinën, shkruan albinfo.ch.
Më herët ishte larguar Shqipëria dhe shqiptarët do të kenë mundësi të vizitojnë vendlindjen për pushime.
“Zyra Federale e Shëndetit Publik (BAG) sot ka aktualizuar listën e vendeve me rrezik të lartë të infektimit dhe nga data 6 maj 2021 Republika e Kosoves është hequr nga kjo listë.
Paraqitja e testit PCR negativ, të bërë brenda 72 orëve para hyrjes në territorin zviceran mbetet në fuqi”, thuhet në njoftimin e ambasadës së Kosovës në Zvicër, përcjell tutje albinfo.ch.
Po kështu, hyrja në Zvicër nga shumë vende dhe rajone do të jetë e mundur përsëri nga e enjtja pa karantinë. Bëhet fjalë për shtetet dhe rajonet si vijojnë: Greqia, Republika Çeke, Ukraina dhe, në Itali, rajonet e Emilia Romagna, Toskana dhe Friuli / Venezia Giulia. Në Austri, nga lista janë hequr provincat e Carinthia, Vjenës, Austrisë së Poshtme dhe Burgenland.
Ndërkaq, duke filluar nga 17 maji, do të hynë në listën e karantinës të Zvicrës, shtetet dhe regjionet në vijim: rajoni italian i Bazilikatës, Kosta Rikës, Gjeorgjia, Irani, Kolumbia, Letonia, Maldivet dhe Mongolia.
Për udhëtarët nga këto vende zbatohen rregulla të rrepta pas mbërritjes në Zvicër. Ata duhet të tregojnë një test negativ dhe të futen menjëherë në karantinë, transmeton albinfo.ch. Për më tepër, duhet të plotësohet një formular hyrje, përveç nëse hyrja është bërë nga një zonë kufitare.
BAG vendos në listën e karantinës ato vende që në dy javët e fundit kanë një incidencë të rasteve në 100 mijë banorë, për 60 raste më shumë se që ka Zvicra. Rrjedhimisht, i heq nga lista vendet që bien nën këtë incidencë.
Kosova aktualisht ka 127 raste për 100,000 banorë, një rënie prej 68% krahasuar me javën e mëparshme (gjendja, më 4 maj 2021). Ndërkohë, Zvicra ka rreth 140 raste në 100.000 banorë.
Pas heqjes nga karantina, Kosovën dhe Maqedoninë i pret fluks i mërgatës
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik