Tematike
Po gjykohet Shefqet H., “ambasadori” i falsifikimit të pasaportave
Akuza thotë se ai ka sjellë të paktën 22 persona në Gjermani me pasaportat që i ka falsifikuar vetë
Shefqet H. (66), i njohur më mirë si “Ambasadori” po qëndron në bankën e të akuzuarve në Gjykatën e Landit të Hanoverit. Akuza thotë se ai ka sjellë të paktën 22 persona në Gjermani me pasaporta që i ka falsifikuar vetë, shkruan “Hanowersche Zeitung”.
Por, sipas prokurores publike, Regina Steig, kjo që thuhet është vetëm “maja e ajsbergut”!
Në fund të qershorit të vitit 2020, Policia Federale kishte shpërthyer rrjetin e falsifikuesve dhe kishte kontrolluar 26 objekte në të gjithë Gjermaninë, transmeton albinfo,ch. Dhjetë vetëm në rajonin e Hanoverit.
Mashtrimi i “ambasadorit” konsiston, sipas aktakuzës, në sigurimin e vulave të kontrollit kufitar, të falsifikuara për klientët e tij.
Shqiptarëve u lejohet të qëndrojnë në Gjermani për 90 ditë me një vizë turistike. Pastaj ata duhet të kthehen në vendin e prejardhjes dhe të hyjnë përsëri, transmeton albinfo.ch. Ndërsa H. “i ka kursyer” ata nga vajtje-ardhjet, duke u siguruar vula të rrejshme, 500 euro për klient.
Gjykata ka sugjeruar të enjten një burgim midis 3 vjet, 8 muaj dhe 4 vjet, 2 muaj, në rast se i akuzuari pranon veprat me të cilat ngarkohet.
Kjo ishte “shumë” për mbrojtjen, dhe “shumë pak” për prokurorin publik: “Unë jam i tmerruar nga dënimi i butë!” H. kishte një precendent penal, dhe asnjëherë nuk ka ndaluar së vepruari pas vuajtjes së dënimeve të tjera me burg, përcjell albinfo.ch.
“Ai është një figurë qendrore, që ka sjellë shumë kriminelë shqiptarë këtu në mënyrë që ata të kryejnë deliktet e tyre në Gjermani!”, ka plotësuar prokurori.
H. ka pranuar autorësinë për 12 vepra dhe mendon të komentojë mbi pretendimet e tjera më vonë. Procesi vazhdon më 30 prill.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj