Brenda javës, shkalla e vaksinimit në Zvicër u rrit për 74 për qind

Gjithsej 1,966,485 vaksina janë dhënë që nga fillimi deri të mërkurën. Deri më tani, 732,812 njerëz janë vaksinuar plotësisht

Në Zvicër, shkalla e vaksinimit, në përgjithësi ka rrjedhur më keq se sa është pritur.

Vendi i pasur helvetik, në krahasim me shumë shtete të botës, është në pozitë relativisht të ulët sa i përket kësaj shkalle, shkruan albinfo.ch.

Gjithsej 57 shtete në botë kanë më shumë të vaksinuar se sa Zvicra, në raport me numrin e banorëve.

Megjithatë, kohëve të fundit vihet re një shpejtim në këtë drejtim.

Kështu, sipas BAG, në Zvicër nga 8 prilli deri më 14 prill janë injektuar 269,146 doza vaksinash kundër Covidit, shkruan srf.ch. Kjo tregon për një mesatare prej 38,449 vaksinash të kryera në ditë.

Kështu, krahasuar me javën e kaluar, shkalla e vaksinimit është rritur për 74 për qind.

Gjithsej 1,966,485 vaksina janë dhënë që nga fillimi deri të mërkurën, transmeton albinfo.ch. Deri më tani, 732,812 njerëz janë vaksinuar plotësisht, d.m.th. 8.5 për qind e popullsisë tashmë kanë marrë të dy dozat e vaksinës. Ndërsa, vetëm vaksinimin e parë deri më tani e kanë marrë 500,861 njerëz.

---