Ronaldo do të largohet nga Juventusi nëse nuk kualifikohen në Ligën e Kampionëve

Keystone EPA/PETER POWELL.

Sulmuesi i Juventusit, Cristiano Ronaldo, mund të largohet nga Torino nëse Zonja e Vjetër humb shansin për t’u kualifikuar në Ligën e Kampionëve, sipas Tuttosport.

Juventus, Milan, Atalanta dhe Napoli duket se luftojnë për tri vendet pas Interit, derisa thashethemet në lidhje me të ardhmen e portugezit vazhdojnë në mediat italiane.

Reagimi pas vërshëllimës së fundit në fitoren 3-1 kundër Genoas ka shkaktuar thashetheme të reja të pakënaqësisë dhe Tuttosport pretendon se 36-vjeçari do të largohet nga klubi nëse Juventusi nuk përfundon në top katër skuadra e para në Serie A këtë term.

Pesë herë fituesi i Topit të Artë ende synon titullin Capocannoniere në ligën italiane dhe synon të marrë trofeun e Kupës ë Italisë, por Zonja e Vjetër aktualisht është 12 pikë prapa udhëheqësit Interit me tetë ndeshje të mbetura dhe u eliminua nga Liga e Kampionëve në 1/8 e finales nga Porto.

Ronaldo ka qenë i lidhur me një rikthim në Manchester United ashtu edhe në Real Madrid në javët e fundit, por La Repubblica theksoi se veterani do të ulet për të diskutuar të ardhmen me menaxherët e Juventusit pas sezonit.