Qeveria do të vendosë më 14 prill: Shanse të dobëta për hapjen e tarracave

Javën që vjen, Këshilli Federal do të vendosë për lehtësimet eventuale të mëtejshme të masave kundër koronavirusit. Por, vlerat aktuale japin pak shpresë

Të gjithë zviceranët mezi presin që më në fund të mund të pinë një gotë në ndonjë tarracë nën rrezet e diellit pranveror.

Këshilli Federal do të vendosë të mërkurën nëse do të ndodhë kjo dhe lehtësime të tjera të masave të koronës, shkruan srf.ch.

Por, ekspertët federalë po na i zbehin shpresat në këtë drejtim. Nga këndvështrimi epidemiologjik, ka pak hapësirë ​​për hapa të rëndësishëm zbutës, u tha më 7 prill nga ekspertët në konferencën e rregullt për media mbi situatën pandemike.

Katër nga pesë standarde nuk janë përmbushur

Kjo tregohet mbi të gjitha nga një vështrim mbi kriteret që ka caktuar Këshilli Federal për çdo hap eventual lehtësues, transmeton albinfo.ch. Katër në pesë nga këto kritere aktualisht nuk janë përmbushur.

Vetëm zënia e shtretërve të kujdesit intensiv në spitale, me pacientë Covid-19 është e kënaqshme. Mesatarje e 15 ditëve të fundit aktualisht është 171 shtretër ose dukshëm nën kriterin e caktuar nga qeveria, që është maksimumi prej 250 shtretërish.

Patrick Mathys nga BAG është veçanërisht i shqetësuar për trendin në rritje të shtrimeve në spital. Këto janë në rritje, ndërsa mosha mesatare e pacientëve në spitale po bie. Të mërkurën, pranimet në spital tejkaluan përsëri vlerën standarde të 52.4, të enjten ishte tashmë 59.3.

Sipas BAG, ekziston gjithashtu një “trend paksa në rritje” sa iu përket vdekjeve, një tjetër pikë referimi për hapat e mundshëm lehtësues. Për më tepër, incidenca 14-ditore e infeksioneve të reja është 280.2, shumë më tepër se vlera udhëzuese prej 229.9. Nuk ka gjasa që kjo vlerë të bjerë ndjeshëm brenda një jave, përcjell albinfo.ch. Vetëm vlera R, në 1.03, është vetëm pak mbi maksimumin e kërkuar prej 1. Nëse bie më tej, vlera e udhëzuesit mund të përmbushet javën e ardhshme.

Sa dhe cili nga pesë kriteret duhet të plotësohen që Këshilli Federal të vendosë për zbutjen, ai nuk e tha shprehimisht. Nuk ka automatizëm, vlerat shërbejnë vetëm si bazë për vendimin, transmeton albinfo.ch. Nëse, megjithatë, vetëm një ose dy nga pesë standardet nuk arrihen javën e ardhshme, shanset për të hapur tarracat e restoranteve së shpejti duket të jenë mjaft të dobëta.

---