Lajme
Shqiptarët e besimit katolik në Austri kremtuan festën e Pashkëve
Për besimtarët katolikë, Pashkët janë simboli i fitores së të mirës mbi të keqen, kujtesa simbolike e ringjalljes së Krishtit pas Kryqëzimit dhe mposhtjes prej tij të vdekjes
“Me sh’net Pashkët! Krishti u ringjall!” Me këtë urim besimtarët katolikë në Austri kremtuan të dielën, për të dytin vit Pashkët Katolike në kushtet e pandemisë Covid-19. Ndryshe nga viti i kaluar, kur ritet fetare dhe festa e Pashkëve u zhvillua pa praninë e besimtarëve për shkak të pandemisë, sivjet shqiptarët në Austri ndoqën Meshën e Shenjtë në kishën katolike të tyre ku çdo të diel mblidhen në Vjenë.
Për besimtarët katolikë, Pashkët janë simboli i fitores së të mirës mbi të keqen, kujtesa simbolike e ringjalljes së Krishtit pas Kryqëzimit dhe mposhtjes së tij prej vdekjes.
Në fillim të Meshës, meshtari katolik në Austri, don Nikson Shabani theksoi se e diela e Pashkëve është themeli dhe thelbi i fesë katolike, raporton albinfo.at
“Vëllezër dhe motra, jemi në të dielën e Pashkëve, që është themeli dhe thelbi i fesë sonë. Dita më e shenjtë e gjithë asaj që ne e quajmë besim katolik. Dita në të cilën shndërron i gjithë besimi dhe feja jonë. Dita në të cilën ne kujtojmë dashurinë e Zotit të flijuar për ne, dhe ditën e shëlbimit tonë, në të cilën ne nuk jemi vetëm, por Zoti është me ne, dhe ai na përcjell dhe na shtynë të ecim përpara në nder e lavd të tij dhe për shpërblimin tonë”, tha ai.
Tutje, gjatë predikimit të meshës, Don Nikson Shabani shtoi se e diela e Pashkëve është e diela më e shenjtë në të cilën qëndron dhe varet i gjithë besimi katolik.
“Çdo gjë që ne besojmë dhe kemi në fenë tonë është e varur nga kjo ditë dhe qëndron në ketë ditë, në këtë realitet në të cilën hyji i bërë njeri, ka vdekur dhe është ngjallur duke na e mundësuar shpërblimin të gjithë neve dhe atyre që besojnë”, nënvizoi ai.
Pas bekimit të besimtarëve, mesha përfundoi duke u dhuruar të gjithë të pranishmëve nga një vezë të ngjyrosur, që është edhe simbol i festës së Pashkëve.
Ndërkohë duhet theksuar se qeveria austriake gjatë tërë kohës së pandemisë ka pasur shtrëngime të rrepta të masave.
Nga data 1 prill, Bashkia e Vjenës dhe dy Bashki të tjera në Austrinë lindore kanë vendosur bllokim total duke mbyllur të gjitha dyqanet afariste (përveç atyre ushqimore dhe higjenike).
Megjithatë, ndryshe nga herët tjera kur gjatë bllokimeve totale ishin ndaluar edhe tubimet fetare, kësaj herë si duket për shkak të festës së Pashkëve janë lejuar të mbahen ato por, duke respektuar masat e rekomanduara siç janë: Mbajtja e maskave dhe distanca mes njëri tjetrit.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?