Seanca për zgjedhjen e presidentit mbahet sot

@KUVENDI I KOSOVES

Mediat kosovare kanë njoftuar se seanca për zgjedhjen e presidentit do të mbahet sot, e shtunë. Ndërkohë që Kryesia e Kuvendit do të mblidhet në orën 14:30, me nënkryetarët dhe shefat e grupeve parlamentare në Kuvend, përcjell albinfo.ch.

Pretenduese për presidente është Vjosa Osmani. Vetëvendosje nuk i ka të sigurta votat për të, pasi nuk i ka të garantuara 80 vota në Kuvend për t’ia mundësuar kuorumin zgjedhjes së presidentit. LDK-ja ka deklaruar se do të marrë pjesë në votim, por te grupi i saj parlamentar ka pikëpyetje nëse disa deputetë do të respektojnë vendimin e kryesisë së partisë.