Kosova, vendi i vetëm në Evropë që s’ka marrë asnjë dozë vaksine

Kosova, në pikën e kuqe, shteti i vetëm ku ende nuk ka filluar vaksinimi

Që nga muaji janar, pastaj dhe shkurt, kishte premtime se Kosova do të pajiset me vaksinën anti-Covid, por duket se kjo nuk ka ndodhur. Tashmë jami në mes të muajit mars dhe nuk ka asnjë dozë të vaksinës anti-COVID në Kosovë, transmeton albinfo.ch.

Si duket, edhe ky muaj do të kalojë e Kosova do të jetë vendi i vetëm në në Evropë që nuk ka siguruar asnjë dozë vaksine.

Ministri i Shëndetësisë, Armend Zemaj, në vazhdimësi kishte deklaruar se po angazhohen për sigurim të vaksinës anti-COVID, por ky institucion ende nuk ka ndonjë datë të saktë se kur mund të mbërrijnë vaksinat e AstraZenecas dhe Oxford-it në Kosovë. Vonesat në negociata për vaksinën dhe mungesa e transparencës, po shihen si dy faktorët që kanë ndikuar në mossigurimin e vaksinave kundër koronavirusit në Kosovë. /Albinfo.ch

---