Austri: Afro gjysmë milioni të papunë, gati po aq në “Kurzarbeit”

Me hapjen e dyqaneve biznesore gjatë javëve të fundit, situata në tregun e punës në Austri është lehtësuar paksa.

405,714 persona janë regjistruar aktualisht si të papunë në AMS, një rënie prej 12,960 njerëz krahasuar me javën e mëparshme, shkruan orf.at, përcjell albinfo.at.

Ndërkohë për më tepër, 73,938 njerëz janë në kurse trajnimi, një rritje prej 1,886 krahasuar me javën e kaluar.

Në total, ka 479,652 njerëz të pa punë në Austri. Agjencitë raportojnë një rritje në numrin e punës me orar të shkurtuar “Kurzarbeit” në 486,684 njerëz, për dallim prej 478,000 njerëz sa ishin të regjistruar në javën e mëparshme.

Ministri i Punës, Martin Kocher, (PVP) tha se pothuajse një vit pas bllokimit të parë, kishte një prirje të lehtë drejt relaksimit në tregun e punës.