Lajme

Tetë të vdekur nga COVID-19 në Kosovë

E martë, 2 Mars 2021 - 15:35 albinfo.ch

Tetë persona kanë humbur betejën me koronavirus në 24 orët e fundit në Kosovë, ka njoftuar Instituti Kombëtar i Shëndetësisë Publike në vend. Me tetë vdekjet e regjistruara sot, numri total i rasteve të vdekjes si pasojë e COVID-19 ka arritur në 1616.

Rastet e vdekjes janë nga Prishtina (81, 77, 65, 78 vjeç), Klina (64 vjeç), Peja 1 rast (37 vjeç), Prizreni (77 vjeç), Suhareka (87 vjeç).

Ndërkohë, nga testimi i 2886 mostrave, 488 prej tyre kanë rezultuar pozitive, ku vetëm Prishtina ka 285 raste.

Numri total i rasteve pozitive është 70 mijë e 185. Në 24 orët e fundit janë shëruar 270 pacientë, duke bërë që numri i rasteve aktive të jetë 8236.

Vetëm në dy ditët e fundit, në Kosovë janë regjistruar 17 vdekje nga COVID-19.