Lajme
“YouTube” ofron llogari, ku prindërit mund t’i kontrollojnë adoleshentët
“YouTube” ka njoftuar se në muajt e ardhshëm do të ofrojë llogari që lejojnë adoleshentët ta përdorin platformën brenda kufizimeve të vendosura nga prindërit e tyre.
“Në variantin e tij beta, ky shërbim do t’u japë prindërve aftësinë ta përdorin llogarinë e tyre të “Google” për të hyrë në atë të fëmijëve të tyre në “YouTube” (një filial i “Google”), ndërsa monitorojnë përmbajtjen në dispozicion”, tha James Beser, kreu i produkteve familjare në platformë.
“Ne po ofrojmë një zgjedhje të re për prindërit, që mendojnë se fëmijët e tyre adoleshentë janë gati të eksplorojnë “YouTube” përmes një llogarie të mbikëqyrur”, shtoi ai.
Me funksionin “eksploro”, prindërit do të jenë në gjendje të shikojnë video të konsideruara të përshtatshme për fëmijët e moshës nëntë vjeç e lart, të tilla si udhëzime, videolojra, video muzikore ose përmbajtje edukative dhe aktuale.
Një mjedis tjetër do t’i lejojë fëmijët të kenë qasje në videot, që konsiderohen të përshtatshme për fëmijët e moshës 13 vjeç e lart dhe që përfshijnë transmetime të drejtpërdrejta.
Një opsion i tretë do t’u japë prindërve mundësinë për ta bërë të gjithë “YouTube” të arritshëm për fëmijët e tyre, me përjashtim të përmbajtjes që kërkon një moshë minimale ose që kanë të bëjnë me tema të ndjeshme.
Sipas Besser, qëllimi i kësaj game zgjedhjesh është që prindërit t’u japin fëmijëve të tyre më shumë liri në “YouTube”, ndërsa vendosin kufij të caktuar.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri