Lajme
Banorët e Austrisë nga marsi mund të vetëtestohen falas ndaj Covid -19
Pajisjet e vetëtestimit, të ashtuquajtura “Wohnzimmer – Test” mund t’i marrin që nga 1 marsi nëpër barnatore. Çdo person mund të furnizohet falas me deri në pesë copë në muaj
Nga 1 marsi, vetëm 600,000 teste do të jenë në dispozicion. Kështu tha kryetarja e Dhomës së Farmacistëve, Ulrike Mursch-Edlmayr, për gazetën austriake “Kleine Zeitung”, trasnmeton albinfo.at.
Autoritetet shëndetësore në Austri i bëjnë thirrje popullatës të mos nxitojë nëpër barnatore që në ditën e parë. Sipas tyre, pajisjet testuese për gjithë popullatën do të jenë në dispozicion nga mesi i muajt mars.
Të drejtë të pajisen me teste falas do të kenë të gjithë banorët në Austri, të cilët posedojnë kartelën E-Card dhe janë të moshës mbi 15 vjeçe.
Ndërkohë ministri i Shëndetësisë, Rudolf Anschober, ka thënë se vetëtestimet falas do të jenë një tjetër mundësi e rëndësishme për luftimin e pandemisë.
“Tashmë kur ne duam të shohim të dashurit dhe të afërmit tanë, vetëtestimet do të jenë një mundësi shtesë për të rikthyer pak normalitet në jetën tonë të përditshme gjatë pandemisë”, ka thënë ministri Anschober, përcjell albinfo.at.
Në anën tjetër, ministri Anschober ka theksuar se pavarësisht se këto teste janë shumë të rëndësishme, megjithatë këto nuk do të zëvendësojnë masat mbrojtëse, siç janë maskat FFP2, distanca minimale dhe higjiena e duarve.
Ditë më parë kancelari Kurz ka deklaruar se me këtë metodë parashihet të testohen për çdo javë rreth 3.5 milionë banorë në Austri.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?