Lajme
Karroca për invalidë në Kosovë, donacion humanitar nga Austria
Forcat ushtarake austriake, si pjesë e KFOR-it për më shumë se 20 vjet jo vetëm që kanë dhënë një kontribut të rëndësishëm për paqen në Kosovë, por gjithashtu sjellin ndihmë atje ku njerëzit kanë nevojë urgjente për të.
Më 16 shkurt komuna e Gleisdorf dhe Këshilli Koordinues i Shoqatave Shqiptare në Steiermark nisën për në Kosovë, një transport – ndihmës me 40 karroca për invalidë: Karrocat janë të përdorura, por plotësisht funksionale. Ndihmat për personat me aftësi të kufizuara u dhuruan nga CARITAS në dioqezën Graz-Seckau dhe iu dorëzuan Forcave të Armatosura Austriake në kazermën ushtarake në Graz. Nga atje, me mbështetjen e kolonelit Christian Fiedler nga KFOR-i austriak në Kosovë dhe kryetarit të KKSHSH-së në Steiermark, Valton Halimit, iu dorëzuan organizatës me aftësi të kufizuara HANDIKOS. Kjo do të thotë që për herë të parë spitalet dhe shtëpitë e të moshuarve në Kosovë mund të pajisen me mjete ndihmëse të lëvizjes.
“Një falënderim i madh u takon atyre që për këtë ndihmë domethënëse, e cila gjithashtu arrin atje ku duhet”, tha konsulli Isa Kosumi nga Ambasada e Republikës së Kosovës në Austri, para nisjes së këtyre ndihmave.
Forcat ushtarake austriake si pjesë e KFOR-it për më shumë se 20 vjet jo vetëm që kanë dhënë një kontribut të rëndësishëm për paqen në Kosovë, por gjithashtu sjellin ndihmë atje ku njerëzit kanë nevojë urgjente për të.
“Ky projekt mund të ndihmojë shumë njerëz në gjithë vendin atje”, tha Kryetari i Bashkisë NAbg. Christoph Stark, duke theksuar rëndësinë e ofrimit të ndihmës.
Falënderimet e tij shkojnë veçanërisht për organizatorin e këtij projekti, Dr. Karl Bauer, i cili ka punuar në Kosovë për shumë vite dhe gjithashtu njeh për se afërmi nevojën e njerëzve në Kosovë.
Para kësaj, ai tashmë kishte sjellë libra shkollorë dhe lopë gjermane në Kosovë dhe kishte organizuar ekspozita arti me artistë kosovarë në Austri. Si veteriner në Kosovë, ai ka krijuar dy kompani që merren me zhvillime të ndryshme në bujqësi.
Ky donacion humanitare u dedikohet invalidëve të Kosovës. Gjatë kësaj ceremonie ishin të pranishëm edhe eprorë të lartë ushtarakë të armatës austriake, si dhe nënkryetari i KKSHSHS, Arsim Gjergji dhe sekretari Armond Aliu,
Dr. Bauer u zotua për një “bashkëpunim konstruktiv”, duke premtuar se ndihmat e tilla për popullin mik të Kosovës do të ketë edhe në të ardhmen.
Projekti është realizuar në bashkëpunim me Caritasin e Dioqezës Graz – Seckau, Forcat Ushtarake Austriake, Ambasadën e Republikës së Kosovës në Austri dhe kompaninë “Fadil Bau” dhe “DB Schenker”.
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja