Mërgimtarët: Diaspora gjithmonë e rëndësishme në Zgjedhjet në Kosovë

Aeroporti i Prishtinës të shtunën ishte i vërshuar nga një numër i madh i mërgimtarëve

Aeroporti i Prishtinës ishte i vërshuar nga mërgimtarët të shtunën, shumë prej tyre nga Zvicra, raporton albinfo.ch nga vendi i ngjarjes.

Shumë kishin ardhur vetëm për të votuar, por disa edhe për të votuar dhe vizituar familjen.

Po ashtu një çift i ri nga Gjakova, Atdhe dhe Besarta Jetishi të cilët jetojnë në Zvicër, kishin zgjedhur të vijnë për të votuar dhe vizituar Kosovën këto dite. Të dy u shprehën se “Diaspora ka pasur dhe gjithmonë do të ketë rol të rëndësishëm në Zgjedhjet në Kosovë”, ndërsa Atdheu tha se kanë zgjedhur të vijnë për të votuar në vendlindje, pasi që votimit me postë nuk po i besojnë. 

Bashkatdhetari Riza Muriqi nga Peja, i cili jeton në Cyrih të Zvicrës, tha se ka ardhur në Kosovë edhe për arsye tjera, por edhe për të votuar. “Kemi ardhur për zgjedhje, për qejf, e për tana… do të qëndrojmë në Kosovë një javë, e bashkatdhetarët e Zvicrës janë vendimtarë për këto zgjedhje”, kështu u shpreh ai për albinfo.ch. 

 

 

---