Të tjera

Lara Gut-Behrami triumfon në Super G

Skitarja zvicerane po vazhdon me formë të mirë në garat e skijimit

E diel, 31 Janar 2021 - 14:40 albinfo.ch
(KEYSTONE/Jean-Christophe Bott)

Gruaja e Valon Behramit, Lara Gut-Behrami ka triumfuar në garën e Super G në Kupën e Botës që u zhvillua në Garmisch-Partenkirchen.

Kjo ishte fitorja e 29-të në karrierën e saj, shkruan albinfo.ch.

Në këtë garë, Kaisa Wickhoff u rendit në vendin e dytë, ndërsa vendi i tretë i takoi Marie-Michele Ganyon.

Për 29-vjeçaren zvicerane, kjo ishte fitorja e tretë radhazi këtë edicion, sepse ajo ishte më e mira edhe në St. Anton dhe Crans-Montano.

Ajo me këtë fitore e ngrit edhe më shumë dallimin e pikëve me përcjellësit e saj në këtë disiplinë në renditjen e përgjithshme. Bashkëshortja e futbollistit nga Kosova, Valon Behrami, e përfundoi garën me kohën prej 1.15.70 minuta.

“Është shumë mirë të jesh kaq e shpejtë sërish. Jam shumë e lumtur që vetëbesimi më është kthyer”, ka thënë Lara Gut-Behrami.

 Të tjera nga Të tjera

Kosova do të përfaqësohet me tetë boksierë në turneun ndërkombëtar të Sarajevës

 E-Diaspora

 Jeta në Austri