Kurz është optimist: Në verën e 2021, do ta mposhtim pandeminë

Kancelari austriak Sebastian Kurz ka mbajtur një fjalim me rastin e Krishtlindjeve. Ai është optimist se në verën e vitit 2021 Austria do ta mposht pandeminë.

“Viti 2020 ishte tepër i vështirë. Unë besoj se ne të gjithë jemi të bashkuar në këtë, të presim me padurim ditën kur më në fund do të jemi në gjendje të kthehemi në normalitet dhe bota do të jetë ashtu siç e dimë dhe e vlerësojmë”, ka theksuar Kurz gjatë fjalimit të tij. Sebastian Kurz falënderoi qytetarët për këmbënguljen dhe durimin e situatës. “Faleminderit të gjithëve për kontributin tuaj. Pavarësisht nëse janë njerëzit që punojnë, biznesmenët që kontribuojnë në kalimin e krizës ekonomikisht, familjet që arritën të kalojnë nëpër punë nga shtëpia dhe fëmijët që studiuan. nga shtëpia dhe, natyrisht, për këdo që është i angazhuar rreth njerëzve të tjerë, ata japin kontributin e tyre, si për organizatat jofitimprurëse ashtu edhe për spitalet”, tha ai.

Kurz ka thënë se nuk dëshiron të flet shumë sepse sipas tij Krishtlindjet janë festë e shpresës dhe mirënjohjes shkruan oe24.at, përcjell albinfo.at.

“Kemi një arsye shumë të madhe që të kemi shpresë në këtë vit”, shpjegon ai duke iu referuar fillimit të vaksinimit ndaj koronavirusit  në Austri që do të nis nga data 27 dhjetor. “Me çdo vaksinim ne do të bëjmë një hap drejt fitores mbi këtë pandemi”, shprehet ai

Kurz ka thënë se të gjithë kemi qenë të vetëdijshëm se muajt e vjeshtës dhe dimrit do të janë shumë sfidues, shumë të vështirë, por kjo vlen edhe për muajt e ardhshëm në fillim të vitit 2021. Megjithatë, ai shprehet optimist, transmeton albinfo.at. “Muajt e ardhshëm në fillim të vitit do të janë prapë sfidues, por sa më ngrohtë, aq më shumë vaksina do të kemi, aq më afër i afrohemi verës, situata do të bëhet edhe më e mirë”.

Kreu i qeverisë austriake shprehu besimin se Austria do të jetë në gjendje të kthehet në normalitet gjatë verës së ardhshme.

“Në verën e vitit 2021, ne do të fitojmë së bashku pandeminë. Gëzuar festat në këtë drejtim dhe faleminderit për mbështetjen tuaj. Uroj të gjithëve një vit të mbarë në 2021”, përfundoi ai.

---