Shqipëria

Shqipëri: 461 raste të reja dhe 14 të vdekur nga COVID-19

E diel, 20 Dhjetor 2020 - 22:00 albinfo.ch
KEYSTONE/EPA/Malton Dibra

Shifrat e të prekurve me COVID-19 në Shqipëri janë ulur gjatë 24 orëve të fundit, pasi janë infektuar 461 persona, ndërsa numri i të vdekurve është rritur në krahasim me ditën e djeshme, kanë vdekur 14 persona.

Nga 1927 testime kanë rezultuar pozitivë 192 raste në Tiranë, 65 raste në Shkodër, 42 raste në Fier, 33 raste në Vlorë, 19 raste në Durrës, 15 raste në Dibër, 14 raste në Berat, 11 raste në Korçë, 10 raste në Elbasan dhe Lushnje, 6 raste në Lezhë, 5 raste Malësi e Madhe dhe Kavaja, 4 raste Gjirokastra, 3 raste në Kurbin, Kamëz, Peqin, Klos, Kuçovë, 2 raste në Vau Dejës, Mallakastër, Tropojë, Kukës, Krujë, 1 rast në Skrapar, Bulqizë, Tepelenë, Mat, Rrogozhinë.

Fatmirësisht janë shëruar 290 qytetarë, duke e çuar numrin e të shëruarve në 28,121 që nga fillimi i epidemisë.

Numri i të shtruarve në spitale vijon të jetë i qëndrueshëm, ku në 4 spitalet COVID po trajtohen 391 pacientë, 24 në terapi intensive nga të cilët 9 pacientë janë të intubuar.

Personat që nuk kanë fituar betejën janë 7 qytetarë nga Tirana, 2 nga Vlora, 1 nga Elbasani, 1 nga Shkodra, 1 nga Peqini, 1 nga Fieri, 1 qytetar nga Kavaja, të moshave 45-89 vjeç.

Që nga shpërthimi i epidemisë me koronavirus në Shqipëri janë konfirmuar 53.003 raste, prej tyre 28.121 janë shëruar, 23.794 janë raste ende aktive, ndërsa betejën me sëmundjen e rrezikshme e kanë humbur 1088 persona./tch

 Të ngjashme

“Me tank, kundër patriarkatit”, gruaja që prodhoi autoblindën e parë shqiptare

 Të tjera nga Shqipëria

Rama për protestat në Zvërnec: Videot e rreme dhe dezinformimi po deformojnë realitetin

 E-Diaspora

 Jeta në Austri